Selimi kërkon qe Lista Serbe të përjashtohet nga zgjedhjet e 11 qershorit

23:07 | 6 Qershor 2017
M. A.

Kandidati për deputetë nga radhët e Vetëvendosjes, Rexhep Selimi konsideron se Lista Serbe do të duhej të përjashtohej nga zgjedhjet e 11 qershorit, për t’i hapur mundësi serbëve të Kosovës që të bëheshin pjesë e demokracisë dhe e proceseve politike në Kosovë.

Selimi në një bisedë për Indeksonline ka komentuar spotin reklamuas të kësaj partie, në të cilën shfaqen edhe qëndrimet kundër krijimit të Ushtrisë së Kosovës.

“Lista Serbe është njëri ndër 3 partnerët e koalicionit qeverisës në qeverinë që lam pas.Lista Serbe është projekt Thaçi- Vuçiq dhe formacion parapolitik i Serbisë e Kosovës. Prandaj qëndrimi kundër ushtrisë për fat të keq është i pritshëm nga ata. Kjo listë do të duhej të shpallej kundëkushtetuese dhe të përjashtohej nga zgjedhjet për t’i hapur mundësi serbëve të Kosovës që të bëheshin pjesë e demokracisë dhe e proceseve politike në Kosovë, të cilën gjë sot po ua pamundëson Lista Serbe e dirigjuar nga Vuçiqi”, ka thënë Selimi.

Shpërndaje në rrjete sociale

Lajmet më të lexuara

Të ngjashme

Foto lajm