Google ADS

“Momenti i fundit që PDK të shkojë në opozitë”

00:37 | 1 Qershor 2017
Trina Galanxhi

Mimoza Kusari-Lila nga koalicioni LDK-AKR-Alternativa, thotë se është momenti i fundit që Partia Demokratike e Kosovës të shkojë në opozitë.

Ajo ka thënë se në zgjedhjet e 11 qershorit, PDK-së duhet t’i jepet goditje e madhe që e çon në opozitë “në mënyrë që të marrin frymë institucionet e vendit”.

“Është momenti i fundit që PDK të shkojë në opozitë, pas dhjetë vjet qeverisje dhe pas humbjes së kredibilitetit të shtetit deri në atë pikë që të kemi probleme kaq serioze me shtetësinë e Kosovës. Mendoj se kërkohet reformim i thellë i PDK-së dhe të hiqen e të marrin frymë institucionet e vendit”, ka thënë ajo në Interaktiv të KTV-së.

Sa i përket kandidatit për kryeministër nga koalicioni LDK-AKR-Alternativa, Avdullah Hoti, Kusari-Lila ka vlerësuar se ai ka përvojën më të madhe institucionale në krahasim me kandidatët tjerë Ramush Haradinaj dhe Albin Kurti.

Shpërndaje në rrjete sociale

Lajmet më të lexuara

Të ngjashme

Foto lajm