Besnik Tahiri në Han të Elezit: Komunat kufitare janë fytyra e shtetit tonë

23:22 | 5 Qershor 2017
M. A.

Kandidati për deputet nga radhët e AAK-së, Besnik Tahiri së bashku me të nominuarin për kryeministër nga koalicioni PAN, Ramush Haradinajn kanë qëndruar sot në Han të Elezit, ku kanë shpalosur programin qeverisës.

Tahiri ka thënë se mbetet i vendosur i përkushtuar se qeverisja e re duhet ti kthej komunat në potencial zhvillimor dhe në veçanti komunat që janë në zonat kufitare.

“Përveç kryeqendrës, komunat kufitare janë fytyra e shtetit tonë.

Komunat e brezit kufitar duhet ti mbështesim fuqishëm përmes projekteve zhvillimore dhe bashkëpunimeve ndër-kufitare.

Ato janë pasqyra e parë e Kosovës, nuk lejojmë pabarazi e qytetar të përjashtuar. Duhet zhvillim i balancuar dhe i barabartë”, ka thënë Tahiri, duke thënë se në të kundërtën s’kemi ndërtuar shtet për të gjithë.

“Për këtë rrezikojmë ecjen si vend dhe shoqëri. Përkujdesja e dora e shtetit do të jetë kudo e me secilin qytetar”, tha Tahiri.

Shpërndaje në rrjete sociale

Lajmet më të lexuara

Të ngjashme

Foto lajm