Aleanca Kosova e Re ka hapur sot zyrtarisht fushatën zgjedhore në komunën e Mitrovicës. Kandidati i kësaj partie për kryetar të Mitrovicës, Agim Bahtiri ka mbajtur një fjalim për ata qindra simpatizues që ishin mbledhur në sallën e sportit në këtë qytet, shkruan arbresh.info.
Bahtiri ka shpalosur programin edhe për katër vite tjera për komunën e Mitrovicës.
Ai mes tjerash tha se Mitrovicën nuk e bashkon dhuna e patriotizmi por Zhvillimi ekonomik.
“Kemi takuar shumë qytetarë nëpër qytete e fshatra. Nuk kam lënë rrugë pa vizituar e qytetar pa takuar për të bërë se bashku programin. Mitrovica nuk bashkohet me dhunë e patriotizëm por bashkohet me zhvillim ekonomik. Kjo do të ndodh dhe do të shihni si do të lulëzoj Mitrovica”, tha Bahtiri.
AI tregoi se si e ka gjetur Mitrovicën para katër viteve dhe sipas tij tash pas katër viteve e ka bërë një Mitrovicë europiane ku “edhe pëllumbat kanë zbritur në të”
“E kam gjetë Mitrovicën te tensionuar me 15 mijë banorë të shpërngulur, një Mitrovicë të tensionuar ku janë bërë nga njerëzit e caktuar që kanë përfituar nga ato tensione. Dhe këto ne i kemi eliminuar. Sot kemi një qytet me ndryshe. Se me punë sot e kemi një Mitrovicë europiane ku edhe pëllumbat kanë zbritur në të”, tha ai.
I pranishëm në hapjen e fushatës ishte edhe zëvendëskryeministri i parë i Kosovës dhe Ministër i Jashtëm, njëherësh edhe kryetar i AKR-së, Behgjet Pacolli./arbresh.info
https://www.facebook.com/arbresh.info/videos/1553186448079775/
Shea: Zhgënjyese që Serbia s`po bashkëpunon për rastin e Ban...
Prishtina shënon fitoren e parë në elitën e basketbollit kos...
Scholz: E përsëris, nuk do të furnizoj Ukrainën me raketa ‘T...
Osmani flet për qëndrueshmërinë e grave në luftë dhe progres...
Dy golëshi i Zhegrovës i pamjaftueshëm për të marr fitoren L...
Porsche me motorin elektrik të Teslas