Gjatë një vizite që i ka bërë Klubit Forta Thai Boxing Gym, kandidati i Lidhjes Demokratike të Kosovës (LDK) për kryetar të Prishtinës, Arban Abrashi, ka thënë të hënën në mbrëmje se qëllimi i vizitës së tij në këtë klub është që të dëshmojë rëndësinë që ka sporti dhe rekreacioni në Programin e tij qeverisës katërvjeçar për Prishtinën.
“Ne do të promovojmë sportin dhe do t’i përkrahim telentët e kryeqytetit me fonde. Gjatë mandatit katërvjeçar fokus të veçantë do të ketë ndërtimi i fushave rekreative dhe sportive në çdo lagje të kryeqytetit, në mënyrë që të rinjtë të nxiten të merren sa më shumë me sport”, ka thënë Abrashi.
Programi i Abrashit për sport parasheh që çdo lagje e Prishtinës të ketë Qendrën Rekreative Sportive – sipas standardeve ndërkombëtare, të cilat do të ndërtohen me buxhetin e komunës dhe përmes partneritetit publik-privat.
Abrashi ka thënë se sportit do të jetë një nga prioritetet kryesore të qeverisjes së tij, për arsye rekreative por edhe shëndetësore për të rinjtë dhe moshat tjera.
Kontingjenti i dytë i karabinierëve moldavë i bashkohet KFOR...
ShBA, “nxehet” fushata/ Trump e Harris shtojnë akuzat e ndër...
Ish-ylli i Liverpoolit do të largohet nga klubi i ri pasi re...
Rivitalizohet parku Drilon – Tushemisht, Rama: Gjerdan për e...
Kuba në terr, pas dështimit të rrjetit elektrik
Njohësit politikë skeptik se takimi i ri në Bruksel do të ja...