Që nga marrja e detyrës si kryetar i komunës së Vushtrrisë, Xhafer Tahiri për dreka e darka zyrtare ka shpenzuar mbi 15 mijë euro.
Tahiri po kandidon për të qeverisur edhe për katër vitet e ardhshme në këtë komunë, dhe pritet të vendoset në raundin e dytë të zgjedhjeve nëse qytetarët do ta votojnë më 14 nëntor.
Një drekë me zyrtarë nga Ministria e Bujqësisë dhe stafi udhëheqës i Komunës, Tahirit i kushtoi 151 euro e 70 cent, ndërsa në restorantin “Amazona”, në Milloshevë, dreka e shtruar nga kryetari Tahiri me pjesëmarrës të olimpiadës së mathematikës i kushtoi 480 euro.
Kryetari Tahiri e nderoi me darkë edhe delegacionin nga Vaxjo- Suedia, të cilit i kushtoi 398 euro, ndërsa darka tjetër për këtë delegacioni i kushtoi 118 euro.
Por, si duket delegacionit suedez, i ka pëlqyer mjaft shumë kryetari Tahiri për dreka e darka zyrtare, ata prap drekën e shijuan në Pizzerin “Palma” në Vushtrri, ku dhe i kushtoi komunës 137 euro, e dreka tjetër për këtë delegacion i kushtoi 126 euro, e dreka tjetër i kushtoi 224 euro.
Gjatë muajit të Ramazanit, të vitit 2018, kryetari i Komunës, Xhafer Tahiri i ktheu iftar Klubit të Hendbollit në restorant “Prestige” me vlerë 539 euro, ndërsa iftari tjetër po në këtë restaurant i ktheu stafit të komunës dhe disa mysafirëve të tjerë, e kjo i kushtoi 1.576 euro.
E mysafirët nga qyteti Norwalk, nga shteti i Iowa’s, në ShBA, kryetar Tahiri e nderoi me drekë në “Fshatin Turistik Skroma”, të cilit i kushtoi 423 euro.
Por, dreka me stafin e zyrës se tij dhe stafin nga Ujësjellësi në Vushtrri, atij i kushtoi me shumën 251 euro.
Dreka me stafin udhëheqës të komunës me rastin e organizimit të puntorisë për Projekt-Buxhet 2019, i kushtoi 234 euro, ndërsa dreka tjetër po me këtë staf i kushtoi 136 euro.
Kryetari Tahiri i priti me drekë edhe zyrtar nga Ministria e Financave, nga Komisioni i Pavarur për Miniera dhe Minerale, të cilit I kushtoi 207 euro e 40 cent, ndërsa dreka me zyrtarë të Ministrisë së Infrastrukturës i kushtoi 57 euro.
Dreka me nxënës shqiptar nga Suedia dhe mësimdhënës të Gjimnazit, Tahirit i kushtoi 448 euro.
Kryetari i Komunës, Xhafer Tahiri i shtroi drekë edhe përfaqësuesesve të USAID-it dhe OJQ “Demokracia +”, të cilit i kushtoi 188 euro.
Një drek zyrtare me delegacionin e biznesmenëve nga Sllovenia, kryetarit Tahiri i kushtoi 414 euro.
Iftari nuk mund të shkonte pa e nderuar as stafin e Bashkësisë Islame në Vushtrri, ku kryetarit një iftar i kushtoi 575 euro, ndërsa në vitin 2021 komuna e Vushtrrisë vetëm për një iftar pagoi 816 euro.
Me rastin e vizitës së Kryeministrit të Kosovës, Ramush Haradinaj me 26 korrik 2019, kryetarit Tahiri dreka i kushtoi 576 euro.
Nderkaq, një drekë pune e kryetarit me disa zyrtar të komunës i kushtoi 118 euro, ndërsa dreka me përfaqësues të organizatave të dala nga lufta e UÇK-së dhe anëtarë të kuvendit komunal të komunës i kushtoi 186 euro.
Vizita zyrtare e kryetarit të komunës dhe shefit të kabinetit të kryetarit në shtetin e Iowa’s në ShBA nga data 23 shkurt deri më 1 mars 2020, ( shpenzimet e rrugës dhe akomodimit), i kushtoi afër 5 mijë euro.
Në kohën e pandemisë, kryetarit Tahiri 2100 maska i kushtuan 2 mijë euro.
Dreka e punës me stafin udhëheqës të komunës, Tahirit i kushtoi 418 euro, ndërsa shpenzimet të krijuara nga stafi i Drejtorisë për Inspektime, kryetarit i kushtuan 251 euro.
Para disa muajve, kryetari Tahiri për një drekë pune me lojtarët e klubit Futbollistik të Vushtrrisë i kushtoi 128 euro./arbresh.info/
Maqedonci: Armatosja e Serbisë, rrezik për stabilitetin në B...
“Më pëlqen Cristiano, por idhulli im është Messi”, sensacion...
Trump: Vdekja e Sinwar lehtëson perspektivat e paqes në Gaza
Bislimi: Progresi i integrimit evropian të Kosovës, nuk ka q...
Theren me thikë dy të mitur në Fier, në pranga bien dy perso...
Për 300 vende të hapura për rekrutë të rinj, kanë aplikuar 1...