Vazhdon gjykimi ndaj Salih Mustafës, flet dëshmitari i tretë

10:28 | 4 Tetor 2021
arbresh.info

Po vazhdon gjykimi ndaj Salih Mustafës, dhe tashmë janë dëgjuar dy dëshmitarë, dhe nga sot do të dëgjohet dëshmitari i tretë, shkruan arbresh.info.

Dhomat e Specializuara të Kosovës (DHSK) çështjen gjyqësore të Salih Mustafës, e kanë filluar më 15 shtator, në orën 9:30, në mjediset e DHSK-së në Hagë.

Aktakuza kundër Mustafës u konfirmua më 12 qershor 2020 dhe versioni përfundimtar u bë publik më 28 shtator 2020.

Kundër tij janë ngritur akuza mbi bazën e përgjegjësisë penale individuale dhe përgjegjësisë penale si epror për katër krime lufte: ndalim arbitrar, trajtim mizor, torturë dhe vrasje e paligjshme. Pretendohet se krimet janë kryer në kompleksin e ndalimit në Zllash në Kosovë, në prill 1999.

Trupi Gjykues ka planifikuar disa seanca për muajt shtator dhe tetor. Gjykatësit kanë bërë të ditur se Prokuroria do të ketë 87 orë për paraqitjen e provave të veta. Prokuroria ka plan të thërrasë 16 dëshmitarë, 15 prej të cilëve do të dëshmojnë në sallën e gjyqit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm