Google ADS

Të afërmit e 18 vjeçarës së vrarë në Ferizaj, thonë se ajo ishte e stresuar kohëve të fundit

17:11 | 23 Gusht 2021
Përparim Bublaku

Familjaret e 18 vjeçarës së vrarë në Ferizaj, kanë treguar se e ndiera ishte martuar që dy muaj me njërin nga personat që dyshohet se e ka vrarë.

Daja i së ndierës ka thënë për arbresh.info, se vajza kishte zgjedhur vet të martohej më të, pavarësisht se familja ishte kundër.

“Ne kemi qenë kundër kësaj martese, pasi kemi pyetur për djalin, por vajza ka deklaruar se dëshiron të martohet më të dhe se nuk ka pasur presion”, tha ai.

Sipas tij, e ndiera nuk kishte thënë ndonjëherë se kishte probleme, por kohëve të fundit ka shfaqur një farë stresi.

Ndryshe të dielën në orët e pasdites 18 vjeçarja M.O, ishte sjellë pashenja jete në QKMF e Ferizajt nga dy të dyshuarit për vrasje.

Policia ka arrestuar njërin nga të dyshuarit ndërsa tjetri është në arrati./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm