Në mbledhjen e 165-të të Qeverisë së Kosovës është miratuar kërkesa e Telekomit të Kosovës për huamarrje në vlerë prej 15 milionë euro.
Ministri i Financave, Hekuran Murati ka thënë se kjo kredi për Telekomin do të shërbej për investime në pajisje dhe sisteme telekomunikuese me teknologjinë e informacionit, raporton Arbresh.info.
“Kemi shqyrtuar kërkesën për huamarrje nga Telekomi i Kosovës, e cila fillimisht ka qenë në vlerë prej 20 milionë euro në një planë investiv të parashikuar. Por me qenë se vitin e kaluar kemi miratuar pjesën e parë që ishte me 5 milion eurot e para për të filluar investimet, tani është radha që të vihet në dispozicion edhe pjesa e dytë në shumë prej 15 milion euro dhe kështu të kompletohet i tërë plani investiv që ka qenë sa i përket përditësimit të rrjetit dhe infrastrukturës”.
“Kjo kredi do të shërbej për investimin në pajisje dhe sisteme telekomunikuese me teknologjinë e informacionit dhe telekomunikacionit dhe do të ndihmoj edhe në përmirësimin e shërbimeve nga Telekomi i Kosovës”, ka thënë Murati.
Kryeministri Albin Kurti ka thënë se shfuqizimi i ndërmarrjeve publike përmes mirë menaxhimit dhe mundësive të investimeve kapitale mbetet prioritet./Arbresh.info
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog