Kryeministri Ramush Haradinaj ka reaguar lidhur me deklaratat e sekretarit të NATO-së Jens Stoltenberg, që Kosova nuk mund të shkojë në veri pa lejen e KFOR-it.
“Ne i kemi ofruar NATO-së një protokoll të ri të Kosovës për gjithë vendit. Më nuk ka veri e jug është një Kosovë për gjithë vendin. Këtë duhet ta kuptoj secili edhe Presidenti edhe unë. Parlamenti i ka dhënë ushtrisë mandatin pa dallim, nuk ka më specifika veri e jug. Kosova nuk është e interesuar të krijoj doktrinë kundër popullit të saj. Në veri janë qytetarët serb ën shtëpi të tyre dhe nuk kanë nevojë të kenë shqetësim që ushtria e vendit të tyre do të bëjë diçka kundër tyre”, ka thënë ai.
Sekretari i Përgjithshëm i NATO-s, Jens Stoltenberg, në një adresim për media në Bruksel, ka thënë se NATO-ja është e zhgënjyer për vendosjen e taksës nga ana e Qeverisë së Kosovës.
Stoltenberg ka folur edhe për FSK-në, ku ka theksuar se pa lejen e KFOR-it, ata nuk mund të shkojnë në veri.
“Disa aleatë në NATO janë të zhgënjyer me vendimin e taksës. Ne gjithashtu kërkojmë respektimin e Marrëveshjes së Brukselit, dhe është e qartë se forcat e sigurisë vendore nuk mund të hyjnë në veri pa lejen e komandantit të KFOR-it”, ka thënë Stoltenberg./arbresh.info
https://www.facebook.com/arbresh.info/videos/148872132701200/
Policia shqiptoi mbi 2200 gjoba brenda 24 orëve në Kosovë
26-vjetori i rënies, Osmani kujton Xhevë dhe Fehmi Lladrovci...
Hasani ne New York: Përsërita angazhimin e Shqipërisë për fu...
Vrasja në Mitrovicë/ Policia kontrollon banesën e të dyshuar...
“Kërkesa e Vuçiqit për kthim të veriut në “gjendjen e mëpar...
Lamine Yamal aktualisht më shumë paguhet nga Adidas se nga B...