Zyrtare: Oppo lanson telefonin Neo 7

09:35 | 26 Tetor 2015
Arbresh Info

Oppo sot ka zbuluar një telefon të ri me Android nga seria e saj Neo, që përfshinë edhe pajisjet si Neo 5 dhe Neo 5s. I quajtur Neo 7, pajisja përdorë platformë Color OS 2.1 të bazuar në Android Lollipop.

Oppo Neo 7 ka ekran 5 inç me një rezolucion vërtetë të vogël prej vetëm 540 x 960 piksela dhe procesor 1.2 GHz katër-bërthamor Qualcomm Snapdragon 410, shkruan arbresh.info. Këto detaje tashmë të zbuluara tregojnë që pajisja do të jetë e përballueshme kur të debutohet në treg, ndonëse çmimi ende nuk është zbuluar.

Telefoni i ri nga Oppo posedon gjithashtu rrjetin LTE, dy vrima për SIM kartela, 1GB RAM, 16GB hapësirë të integruar për akumulimin e të dhënave, kamerë frontale 5 megapiksel, kamerë prapa 8 megapiksel dhe bateri 2420 mAh.

Në uebfaqen zyrtare kompania ka përmendur faktin që ekziston një version për SHBA së bashku me versionin ndërkombëtar dhe atë indian./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm