Në Japoni, po luftojnë me mungesën e fuqisë punëtore, veçanërisht në segmentin e transportit tokësor.
Kamionët nuk janë problemi, por mungesa e shoferëve profesionistë është një problem në rritje.
Vlerësimet thonë se deri në vitin 2030, Japonisë do t’i mungojnë 36 për qind të shoferëve.
Prandaj, është duke u konsideruar një zgjidhje jokonvencionale, e cila pasi të zbatohet, mund të zëvendësojë 25,000 shoferë.
Rripi transportues është pjesë e transportit horizontal në fabrika, magazina dhe të gjitha objektet ku kërkohet transport linear i artikujve të ngjashëm.
Në Japoni, ata po mendojnë të ndërtojnë një sistem transporti automatik të ngjashëm me rripin transportues.
Një rrip i tillë gjigant transportues do të lidhte Tokion dhe Osakën, që në përkthim do të thotë se do të ishte deri në 500 kilometra.
Parashikohet që kapaciteti ditor i transportit të jetë në nivelin e 25 mijë kamionëve, ku ngarkesa do të transportohet në një lloj maune pa shtytje.
Japan Times raporton se projekti i Autoflow Road pritet të përfundojë në vitin 2034 dhe vlerësohet se kostoja e ndërtimit mund të kalojë 23 miliardë dollarë.
Duket si një ide e mirë sepse e njëjta zgjidhje do të zvogëlonte efektin e mungesës së fuqisë punëtore, dhe bllokimin e autostradave si pasojë e largimit të 25 mijë kamionëve. /Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite