Google ADS

Twitter u kërkon përdoruesve ndryshimin e fjalëkalimeve

11:07 | 4 Maj 2018
A. B.

Rrjeti social, Twitter u ka bërë thirrje më shumë se 300 milionë përdoruesve për të ndryshuar fjalëkalimet e tyre, duke thënë se ky informacion është ekspozuar pa qëllim brenda kompanisë, përmes një virusi.

Sipas kompanisë, nuk është identifikuar asnjë shenjë se janë përdorur të dhënat e ekspozuara, mirëpo është këshilluar të ndryshohen fjalëkalimet për çështje të sigurisë, transmeton REL.

Shefi i teknologjisë në këtë kompani, Parag Agrawal ka thënë se Twitter e praktikon privatësinë e plotë në këtë material, pasi edhe personat brenda kompanisë nuk kanë qasje në të.

Kompania me bazë në San Francisko nuk ka specifikuar sa fjalëkalime janë ekspozuar apo për çfarë periudhe.

Kjo ngjarje ka ndodhur në periudhën e skandalit të rrjetit tjetër social, Facebook me kompaninë konsulente, Cambridge Analytica dhe përdorimin e të dhënave të miliona përdoruesve, / arbresh.info

Shpërndaje në rrjete sociale

Lajmet më të lexuara

Të ngjashme

Foto lajm