Tesla çaktivizon funksionimin e lojërave gjatë vozitjes

12:00 | 26 Dhjetor 2021
A. B.

Tesla ka rënë dakord të bëjë ndryshime në funksionin e saj Passenger Play që lejon lojërat të luhen në ekranin e saj me prekje ndërsa makina është në lëvizje.

Sipas medieve të huaja, një vendim i tillë pason një hetim të nisur nga Administrata Kombëtare e Sigurisë së Trafikut në Autostrada të SHBA (NHTSA).

Agjencia tha se ishte informuar nga Tesla se një përditësim i softuerit do ta çaktivizonte funksionin gjatë vozitjes.

Firma e makinave të Elon Musk ishte përballur me kritika se një gjë e tillë ishte e rrezikshme.

New York Times raportoi se Tesla kishte kontaktuar drejtpërdrejt me NHTSA.

“Passenger Play tani do të jetë i kyçur dhe i papërdorshëm kur automjeti është në lëvizje,” tha agjencia për gazetën.

Ndërkohë që Tesla nuk ka lëshuar ndonjë deklaratë zyrtare për këtë çështje.

Shpërndaje në rrjete sociale

Lajmet më të lexuara

Të ngjashme

Foto lajm