Google ADS

“Të çmilitarizohet inteligjenca artificiale”, apeli i kreut ekzekutiv të Google

00:46 | 23 Shkurt 2018
Trina Galanxhi

Inteligjenca artificiale do të jetë përcaktuese për të ardhmen e njerëzimit dhe për këtë, kreu ekzekutiv i Google, Sundar Pichai shprehet i bindur.

“Ndërtimi i një inteligjence artificiale plotësisht të pavarur do të jetë zbulimi më i madh në historinë e njerëzimit dhe nuk e teproj po të them se do të jetë edhe më i madh se shpikja e elektricitetit apo zbulimi i zjarrit”, deklaroi ai në një seminar me studentë.

Por, Elon Musk dhe Stephen Hawking kanë paralajmëruar mbi rreziqet që ka kjo inteligjencë. Që të dy ata kanë kërkuar kujdes në avancimin e saj, pasi mund të rezultojë fatale për fatet e njerëzimit.

Sundar Pichai ndan të njëjtin mendim.

“Sigurisht, rreziku ekziston. Ne duhet të jemi gjithmonë të vëmendshëm dhe të jemi një hap para e t’i kemi nën kontroll. Një hap i rëndësishëm është çmilitarizimi i inteligjencës artificiale. Për këtë, të gjitha vendet duhet të bien dakort që të mos e përdorin këtë formë inteligjence për qëllime ushtarake. Kjo do të ishte shkatërruese”, deklaroi ai.

Google është një ndër kompanitë lider në avancimin e inteligjencës artificiale. Deri më tani, gjiganti amerikan i teknologjisë ka njoftuar për disa përparime, por thotë se për të patur një inteligjencë artificiale krejtësisht të pavarur do të duhen ende vite./tch/

Shpërndaje në rrjete sociale

Lajmet më të lexuara

Të ngjashme

Foto lajm