Google ADS

Shitet në ankand “Kupa e shenjtë” e kompjuterave

07:40 | 30 Gusht 2016
Arbresh.info

E konsideruar si “Kupa e Shenjtë” e elektronikës dhe botës së kompjuterave, pajisja u shit në ankand për shumën e 815 mijë dollarëve.

Bëhet fjalë për kompjuterin “Apple 1”, një prototip i ndërtuar nga Steve Jobs dhe Steve Ëozniak në vitin 1976. Brenda atij viti, dy gjenitë amerikanë të teknologjisë ndërtuan 200 kompjutera.

Sipas specialistëve, kompjuteri i shitur në ankandin e CharityBuzz është kompjuteri i parë i ndërtuar nga dy Stevët.

Pajisja u ble nga dy persona që thanë se do ta përdornin për qëllime studimore dhe për të frymëzuar të rinjtë e apasionuar në fushën e teknologjisë.

Organizatorët e ankandit prisnin që pajisja të tejkalonte 1 milionë dollarët, por oferta më e lartë u ndal në 815 mijë të tillë, çka e bën kompjuterin e dytë “Apple 1” më të shtrenjtë në një ankand. I pari u shit në tetor të 2014 në Nju Jork për 905 mijë dollarë.

Paratë e grumbulluara nga shitja, thotë CharityBuzz, do të shkojnë për bamirësi dhe në ndihmë të personave të prekur nga kanceri.

Shpërndaje në rrjete sociale

Lajmet më të lexuara

Të ngjashme

Foto lajm