Samsung ka sjellë së fundi televizionin e ri 406 inç Cinema me ekran LED.
Pajisja e re ka diagonalen e ekranit prej 10,3 metrash dhe nuk është e dedikuar për përdorim shtëpiak, por për salla të kinemave, ku pritet të zëvendësojë projeksionet klasike.
Ekrani vjen me rezolucion 4K (4,096 x 2,160 piksel), kualitet HDR dhe ka ndriçim deri 146 fL, që sipas Samsungut, është dhjetë herë më shumë se sa projeksionet standarde të teknologjisë.
Po ashtu, televizioni ka ngjyrën e zezë të thellë të fotografisë, ngjyrën e bardhë precize dhe ngjyra të shkëlqyeshme. Ndriçimi shtesë mund të jetë i dobishëm për riprodhimin e filmave 3D, të cilët shpesh duken të mjegulluar në kinema për shkak të syzave të polarizuara.
Si pjesë shtesë e kualitetit të fotografisë, Samsung ka bashkëpunuar me njësinë JBL të Harman në teknologjinë e zërit, e cila përbëhet nga mikrofonat e vendosur përreth ekranit, teknologjisë për procesimin e zërit dhe “Sculpted Surround”, i cili mundëson riprodhimin dramatik të zërit.
Samsung thekson se televizori mund të jetë shumë i qëlluar edhe për ngjarje të korporatave, konferenca, përcjelljen e sportit dhe lojëra, derisa shikimi i filmave do të ofrojë një përvojë krejtësisht të re. Tash për tash nuk dihet çmimi i televizorit.
Si të shmangni dhimbjet e stomakut në vjeshtë, tri kura naty...
Ushqimet që ndihmojnë në uljen e sheqerit në gjak
Pas Bejrutit, Izraeli godet edhe Damaskun, vriten dhëndri dh...
Izraeli sulmon objektivat e Hezbollahut pranë Bejrutit
Moment historik për gratë në Meksikë, zgjidhet presidentja e...
Balla: Shqipëria drejt anëtarësimit në BE