Sipas raporteve të fundit, Samsung do të marrë një hap plotësisht të padëgjuar më parë duke tërhequr të gjithë telefonat Galaxy Note 7 që janë shitur deri tani.
Raportet që telefonat e mençur Galaxy Note 7 janë duke u shpërthyer derisa po mbushej bateria do të thotë që kompania do të njoftojë brenda javës për kthimin e gjithë pajisjeve të shitura, të paktën kështu pretendojnë raportet e fundit, shkruan portali arbresh.info.
Lexo më shumë: Samsung shtyn shitjet e Note 7, shkak shpërthimi gjatë mbushjes
Hetimet brenda incidenteve të ndryshme te telefonat që shpërthyen derisa ishin duke u mbushur kanë shfaqur që bateritë janë i gjithë problemi, njofton ‘Yonhap News’ nga Koreja Jugore.
Po ashtu, shitjet e telefonave janë shtyrë në mënyrë që kompania të kryej testime shtesë.
Galaxy Note 7 është lansuar vetëm dy javë më parë si telefoni i fundit nga Samsung. Kompania debutoi telefonin e ri me shpresën për të marrë tregun e iPhone 7 dhe variantit Plus nga Apple që lansohen javën e ardhshme.
Sidoqoftë, Samsung ende nuk ka komentuar në lidhje me këto raporte, por thuhet se është duke punuar me partnerët e tij për inspektuar pjesët dhe më pas do të publikojë të gjeturat pasi të finalizohen testimet./arbresh.info
Llapi triumfon bindshëm në Podujevë dhe i shkakton humbjen e...
Pacolli: Një politikan nga Kosova i paska thënë një kryedipl...
Propozimi për anëtarësimin në Këshillin e Sigurimit të OKB-s...
Vullin: Sa të jetë Vuçiqi president dhe unë në qeveri, Kosov...
Kurti takoi Ndihmës Sekretarin e Shtetit, James O’Brie...
Presidentja Osmani takoi Presidentin e Malawit: Kosova është...