Përveç shumë risive, nga konceptet tek veturat supersportive, për të apasionuarit e makinave ka një arsye më shumë për të vizituar Sallonin e Parisit, që është i hapur deri më 16 tetor, ku janë shfaqur rreth 50 nga veturat më të famshme të kinematografisë.
Shaqja me moton “Moteur! L’automobile fait son cinéma” (Motor! Vetura bën kinemanë e saj) zë rreth 5000 metra katrorë në këtë super ekspozitë pariziane ku shfaqen vetura si Breshka Herbie apo veturat e 007, ato të sagës Fast&Furious apo i famshimi Jaguar XK8 i Austin Powers.
Në këtë ekspozitë një vëmendje e veçantë i është dedikuar markës Citroen protagoniste e disa filmave të famshëm si “Pantera Rizë” apo “Fantomas”.
Nuk kishte si mos të mungonin veturat e agjentëve sekretë apo detektivëve, normalisht të kryesuara nga Aston Martin DBS dhe BD10 të James Bond. Mes këtyre modeleve gjejmë edhe Citroen-in origjinal 2CV të përdorur në vitin 1981 në filmin “For Your Eyes Only” (Vetëm për sytë e tu). Por një vëmendje të veçantë meriton edhe Peugeot 403 Cabriolet e të famshmit Colombo dhe Citroen DS Pallas e vitit 1973 në serialin “The Mentalist”.
Mes veturave të sektorit të komedisë tërheqin vëmendje Mini 1000 e Mr Bean. Në sektorin e filmave emocionues në sye bie Alfa Romeo Duetto që ngitet nga Dustin Hoffman në filmin “The Graduate”. Ndërsa në atë të fantashkencës meritojnë të përmenden Audi R8 i “Final Fantasy XV”, Chevrolet Camaro SS tek “Transformers” dhe De Lorean DMC-12 në “Back to the Future Part II”.
Për të apasionuarit e të madhit Woody Allen, vlejnë të përmenden Peugeot 184 në “Midnight in Paris”. E gjitha për t’u dashuruar është Plymouth Fury e vitit 1957 protagoniste në “Christine”. Ndërsa citimin e fundit e meriton e mrekullueshmja Lancia Aurelia B24S në filmin “Il Sorpasso” të Dino Risi.
SBASHK të hënën dorëzon nënshkrimet për Projektligjin për sk...
Kurti dhe Gërvalla takojnë në New York, Kardinalin Pietro Pa...
Rodri do t’i nënshtrohet një operimi në gju javën e ardhshme
Krasniqi për Ilmi Ilazin: Ishte shembull i përkushtimit dhe ...
Hezbollahu konfirmon vrasjen e liderit Hassan Nasrallah
Kuvendi i Malishevës miraton projekt buxhetin për vitin 2025