Google ADS

OnePlus do trondit industrinë teknologjike më 1 Qershor

21:05 | 26 Maj 2015
Arbresh Info

OnePlus duket që më në fund është gati të zbulojë një telefon të ri, që pritet të quhet OnePlus 2. Kompania ka informuar sot që është “koha për të ndryshuar”, përmes një imazhi të postuar në Twitter, i cili lë të kuptohet se një telefon i mençur me dizajn të ri do të prezantohet javën e ardhshme, më 1 Qershor.

Me sa duket, OnePlus do të “trondit industrinë teknologjike” edhe një herë, pas asaj që bëri me lansimin e telefonit OnePlus One vitin e kaluar, transmeton arbresh.info.

Bazuar në raportet e mëparshme, OnePlus 2 do posedojë ekran Quad HD me 5.5 inç, procesor Snapdragon 810, 3 ose 4GB RAM, si dhe skaner për njohjen e shenjave të gishtave.

Pas prezantimit që do të bëhet më 1 Qershor, OnePlus 2 nuk mendohet se do të lansohet brenda këtij tremujori, por shpresojmë që ajo që do sjellë kompania me këtë telefon të mos jetë zhgënjyese./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm