Një seri e re telefonash ‘Ocean’ po ndërtohet nga HTC

08:31 | 27 Shtator 2016
Arbresh.info

HTC po punon me një seri të re të përbërë nga tre telefona të quajtur ‘Ocean series’. Sipas publikuesit të HTC, LlabTooFer, tre pajisjet do të jenë Ocean Note, Ocean Master dhe Ocean Smart. Note do të ketë ekranin më të madh, Mater veçori më cilësore, ndërsa Smart do të jetë modeli bazë.

Akoma nuk janë zbuluar të gjitha veçoritë që do të kenë pajisjet, sido qoftë një dizenjues i HTC ka postuar një video ku tregohen disa nga cilësitë më të mira. Në video mund të dallohet korniza e plotë e ekranit me touch, e cila mundëson kontrollin e programeve në të në mënyrë të ngjashme me serinë e telefonave të Samsung, Galaxy Note Edge.

HTC është përfshirë edhe në ndërtimin e dy telefonave të Google, Pixel dhe Pixel XL, prandaj duket se ajo është mjaft e zënë për ta prezantuar serine e saj Ocean së shpejti. Mendohet se ato do të prezantohen vitin tjetër./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm