Microsoft ka shpenzuar shumë kohë për të bërë të gjitha aplikacionet e platformave tjera të punojnë edhe në Windows 10, i cili vjen në shumë versione të tjera. Kur ky sistem operativ do të lansohet atëherë në dispozicion do të jenë edhe shtatë edicione:

• Windows 10 Home është i përqendruar më shumë për kompjuterët Desktop të konsumatorëve.
• Windows 10 Mobile është i dizajnuar për të sjellur një eksperiencë të mrekullueshme në një ekran të vogël tek të gjithë telefonat dhe tabletat e mençura.
• Windows 10 Pro është një edicion për kompjuterët Desktop si dhe tabletat.
• Windows 10 Enterprise është i ngjashëm me Windows Pro, por ka edhe disa funksione shtesë për t’iu përgjigjur kërkesave të organizatave.
• Windows 10 Education është i ngjashëm me versionin më lartë, por është i dizajnuar për stafin, profesorët dhe studentët e shkollave.
• Windows 10 Mobile Enterprise është i dizajnuar për të sjellur tek konsumatorët  eksperiencën më të mirë për biznes në telefona dhe tableta.
• Windows IoT Core është sistem operativ i përshtatshëm për pajisjet me çmim të vogël.

Me këto edicione Microsoft dëshiron të sigurojë që sistemi i tyre operativ të jetë i përdorshëm gjithkund duke ofruar mundësi të përmbush kërkesat për të gjithë konsumatorët./arbresh.info