Google ADS

LG G4 nuk do ta ketë suksesin e modelit të kaluar

20:58 | 18 Prill 2015
Arbresh.info

Kanë mbetur më pak se dy javë para se LG të prezantojë telefonin e mençur G4. Kompania nga Koreja Jugore tashmë ka shpalosur thuajse gjithçka rreth pajisjes së ardhshme, e cila zyrtarisht do të prezantohet më 28 Prill.

Sidoqoftë, analistët nga IBK kanë thënë se telefoni LG G4 do të jetë një telefon me ndikim të madh tek kompania, por numri i shitjeve do të jetë më i vogël se modeli i kaluar i kompanisë LG G3, transmeton arbresh.info. Kjo do të ndodhë si pasojë e debutimit të Galaxy S6 dhe Glaxy S6 Edge nga gjiganti teknologjik Samsung, që tashmë ka zënë një vend edhe më të mirë në tregun e industrisë së telefonave të mençur.

LG ka konfirmuar se telefoni i ardhshëm do të ketë kamerë prapa 16 megapiksel, kamerë frontale 8 megapiksel, platformë Android Lollipop, ekran Quad HD me 5.5 inç dhe mbështjellëse nga lëkura./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm