LG G4 debutohet në mbarë botën brenda javës

09:07 | 18 Maj 2015
Arbresh Info

Derisa kohëve të fundit janë përfolur datat rreth lansimit të LG G4 në SHBA dhe në Kanada, kompania ka konfirmuar që debutimi në mbarë botën i këtij telefoni do të bëhet këtë javë.

Vendi i parë që do të ketë pajisjen LG G4 do të jetë Hong Kongu, i cili ndiqet më pas nga Turqia, Rusia dhe Singapori. Përveç këtyre vendeve, bazuar në LG, kompania tashmë është e lidhur me 180 operatorë për të ofruar këtë telefon të mençur, transmeton arbresh.info.

LG G4 vjen me mbështjellëse të lëkurës në katër ngjyra, por në rast se jeni aktivist i të drejtave të kafshëve, LG ofron edhe materiale tjera të veçanta për mbështjellje. Kjo pajisje ka kamerë prapa 16 megapiksel, ekran 5.5 inç IPS Quantum, procesor Snapdragon 808, dhe platformën e fundit Android Lollipop.

Çmimi i pajisjes nuk është zbuluar ende për çdo treg në veçanti, por një gjë e tillë do të kuptohet brenda javës./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm