Kompania ‘Microsoft’ ka bërë të ditur se do të shkurtojë 650 vende pune në departamentin e lojërave ‘Xbox’.
Sipas raporteve të shumta në media, kjo masë vjen pasi kompania e teknologjisë me bazë në SHBA synon të organizojë biznesin e saj për një “sukses afatgjatë”.
‘Microsoft’ tha se punonjësit që largohen do të marrin “paketa të daljes” që përfshijnë shërbime të largimit nga puna, kujdes të zgjatur shëndetësor dhe shërbime të largimit.
Paketat do të ndryshojnë jashtë SHBA-së në bazë të vendndodhjes. Shefi i departamentit ‘Microsoft Gaming’, Phil Spencer, tha se do të ketë disa efekte për ekipet e tjera në kompani pasi “ato përshtaten me ndryshimin e prioriteteve dhe menaxhojnë ciklin e jetës dhe performancën e lojërave”.
Ky veprim shënon herën e tretë që kompania ‘Microsoft’ ka shkurtuar fuqinë punëtore në departamentin e lojërave pasi përfundoi një marrëveshje të blerjes prej 69 miliardë dollarësh të kompanisë së video-lojërave ‘Activision Blizzard’ në tetor të vitit 2023.
Në fund të janarit, kompania tha se do të pushojë 9 për qind të departamentit të saj të lojërave, disa muaj pas mbylljes së marrëveshjes.
Vukoviq: Serbia nuk ka kurrfarë interesimi për dialog
Harris bën thirrje për armëpushim në Gaza: Të ketë stabilite...
Dashuria për veten dhe narcizmi: Si të dallojmë kufirin
Një i mitur theret me thikë nga disa të mitur të tjerë, afër...
Kampioni e nis me fitore formatin e ri në LK, Real Madridi d...
Intervistohet një dëshmitar për zjarrvënien në shtëpinë e nd...