Autoritetet kineze ushtrojnë një kontroll të rreptë të internetit, kontroll që duan ta shtrijnë tashmë edhe në fushën e transmetimit të drejtpërdrejtë.
Rregullatori i internetit u ka kërkuar të gjitha faqeve që ofrojnë këtë shërbim të dhënat të sakta të përdoruesve dhe të kontrollojnë përmbajtjen gjatë gjithë kohës.
Rregullorja e re synon që të vendosë kontroll mbi videot e cilësuara se “të padenja” nga morali i shoqërisë dhe ligjet vendase.
Në Kinë janë afërsisht 80 platforma që ofrojnë këtë shërbim, që është i përhapur në masë mes të rinjve vendas.
Në muajin prill të këtij viti, Ministria e Kulturës bëri publik një hetim mbi faqet më të mëdha që ofronin shërbimin “live stream”. Nga ky hetim ajo tha se u gjetën materiale me përmbajtje pornografike dhe dhune që dëmtojnë moralin e shoqërisë kineze.
Katër janë faqet që mbizotërojnë në këtë treg në Kinë. Bilibili, YY, Inke dhe Douyu, që tërheqin me miliona përdorues në ditë./tch
KQZ e Kosovës dhe e Shqipërisë nënshkruajnë Memorandum bashk...
Salianji ndan mesazhin e fundit përpara arrestimit: Asgjë nu...
Sekuestrimi i mbi 1 ton drogë, Prokuroria Themelore në Pejë ...
Ndalohet një person i dyshuar për veprën penale “Vrasj...
Inspektorati i Prishtinës nis aksionin për largimin e vetura...
Parandalohet kontrabandë me pije alkoolike me vlerë prej 5 m...