Hakmerret Lizard Squad, rrëzon uebfaqen e NCA-së

15:22 | 1 Shtator 2015
Arbresh Info

Hakerët kanë rrëzuar uebfaqen e Agjencisë Kombëtare të Krimit (NCA) duke u hakmarrë kështu për arrestim e bërë javën e kaluar.

Uebfaqja ka qenë përkohësisht jashtë linjave mëngjesin e të martës, katër ditë pas arrestimit të gjashtë adoleshentëve të dyshuar për përdorimin e mjetit kibernetik nga grupi i hakerëve Lizard Squad që shërben për rrëzimin e uebfaqeve dhe shërbimeve, shkruan arbresh.info.

Gjashtë të dyshuar ishin akuzuar për përdorimin e ‘Lizard Stresser’, një mjet që “bombardon” trafikun e uebfaqeve dhe shërbimeve, tek shkollat, gazetat, kompanitë e lojërave dhe një numër të madh dyqanesh me pakicë.

Grupi i hakerëve Lizard Squad ka njoftuar në mëngjes përmes rrjetit social Twitter për sulmin e kryer tek Agjencia, derisa katër nga të arrestuar janë lëshuar, dhe dy të tjerë në moshën 18-vjeçare janë ende nën hetime./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm