Google ADS

Hakerat vjedhin skenarët e episodave të fundit të ‘Game of Thrones’

20:36 | 31 Korrik 2017
Trina Galanxhi

Një grup hakerash pretentojnë se kanë vjedhur skenarin e një episodi të ardhshëm të serialit ‘Game of Thrones’, si dhe të dhëna të tjera të kompanisë HBO.

Grupi thotë të dhënat e kompanisë dhe detajet për episodat e ardhshëm të serialit mund të publikohen shumë shpejt, transmeton portali arbresh.info

Hakerët kanë theksuar se materialet e vjedhura shumë shpejt do të publikohen, ndërsa HBO ka konfirmuar se ka rënë pre e një ‘sulmi kibernetik’.

Në një email të publikuar nga Entertainment Weekly, hakerët duket se ofrojnë më shumë detaje në këmbim të mbulimit të favorshëm.

“Përshëndetje të gjithë njerëzimit”, thuhet në email. “Rrjedhja më e madhe e epokës së hapsirës kibernetike është duke ndodhur”.

Raportet thonë se nga seriali ‘Game of Thrones’ është vjedhur episodi i katërt nga sezona e shtatë, i cili tashmë ka filluar të transmetohet.

HBO konfirmoi se një “incident kibernetik” kishte rezultuar në kompromisin e informacionit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm