Google ADS

G4 Stylus dhe G4c, telefonat e rinj nga LG

11:00 | 19 Maj 2015
Arbresh Info

Pas njoftimit që telefoni i ri G4 do të debutohet në mbarë botën brenda javës, LG ka lansuar dy variante të pajisjes me platformë Android 5.0 Lollipop për përdoruesit që dëshirojnë diçka më të madhe apo më të vogël në madhësi.

Me një ekran 5.7 inç, G4 Stylus është dukshëm më i madh se se G4 me 5.5 inç dhe varianti tjetër G4c, që ka ekran më të vogël prej 5 inç.

Të dy pajisjet posedojnë procesor katër-bërthamor 1.2GHz, 1GB RAM, 8GB hapësirë për akumulimin e të dhënave, si dhe 5 megapiksel kamerë frontale. Këto performanca sigurisht që nuk përputhen me ato që bartë G4, por mund t’i ndihmojnë kompanisë në përfitime tek ndonjë treg.

LG do të njoftojë brenda javës rreth çmimit dhe kohës që këto pajisje do të jenë në dispozicion./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm