Funksioni për video thirrje nga Facebook Messenger tani edhe në Kosovë

10:09 | 21 Maj 2015
Arbresh Info

Facebook ka prezantuar funksionin për video thirrje në aplikacionin Messenger në muajin Prill, dhe që nga atëherë ky funksion ishte në dispozicion vetëm në disa vende, përfshirë SHBA-në, Britaninë e Madhe, Kanadë dhe disa vende të tjera. Sidoqoftë, tani kjo ka ndryshuar, rrjeti social Facebook ka lëshuar këtë funksion që të jetë në dispozicion në mbarë botën.

Bazuar në kompaninë, kanë mbetur vetëm edhe disa vende që ky funksion nuk ofrohet, por edhe këto zona do të pajisjen së shpejti me këtë funksion, që Facebook është duke punuar vazhdimisht për të përmirësuar kualitetin  e tij.

Nëse keni versionin e fundit të këtij aplikacioni të instaluar, mjafton të shtypni ikonën e kamerës tek ndonjë bisedë në Messenger me një të shok apo pjesëtar të familjes për të filluar bisedën me video thirrje./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm