Facebook do të hapë kafene, ku do të ndihmohen shfrytëzuesit lidhur me çështjen e sigurisë

18:42 | 17 Gusht 2019
Arbresh Info

Tani që janë bërë disa vite që Facebook mbledhë dhe i shet të dhënat e përdoruesve, lejon përhapjen e lajmeve të rreme dhe ende i toleron rusët në platformë, Facebook dëshiron t’i shërbejë shfrytëzuesit me kafe.

Sipas raportit të Evening Standard, ky rrjet social do të hapë kafene në pjesë të ndryshme të Britanisë së Madhe, nga 28 gushti deri më pesë shtator të këtij viti, transmeton Telegrafi.

Brenda tyre do shërbehet kafe falas dhe do të ndihmohen shfrytëzuesit lidhur me çështjen e sigurisë, apo edhe probleme tjera që mund t’i kenë. Aktiviteti i këtyre kafeneve, do të zhvillohet në Londër më 28 dhe 29 gusht, pastaj edhe në pjesë tjera.

Kjo për faktin, se një e katërta e shfrytëzuesve britanikë, treguan nëpërmjet një sondazhi se kanë probleme me çështjen e sigurisë në këtë rrjet.

Mirëpo, nuk dihet nëse të njëjta kafene të përkohshme, mund të hapen edhe në shtete tjera, që do iu vinin në ndihmë shfrytëzuesve lidhur me rrjetet sociale.

Shpërndaje në rrjete sociale

Lajmet më të lexuara

Të ngjashme

Foto lajm