Eksperimentet provojnë se dronët e ardhshëm do të jenë pa bateri

14:05 | 25 Shtator 2016
Arbresh.info

Me një karikim të vetëm, një dron mund të fluturojë mesatarisht për tetë deri në dhjetë minuta. Për ta rritur më shumë këtë kohë duhet të rritet madhësia e baterisë, por problemi është se sa më e madhe të jetë pesha e dronit aq më i vështirë bëhet procesi i fluturimit.

Dr. Samer Aldhaher nga Kolegji Imperial i Londrës mendon se ka një përgjigje për këtë. Aldhaher ka ndërtuar një prototip, një dron pa bateri i cili rri pezull në një vend dhe merr energji nga një transmetues poshtë saj. Droni që përdor teknologjinë wireless për t’u furnizuar me energji mundet vetëm të qëndrojë pezull, ose të bëjë lëvizje të vogla anësore pak centimetra larg bazës së energjisë.

Aldhaher thotë se duhet akoma shumë punë dhe kohë derisa të mund të ndërtojmë pajisje të tilla fluturuese që të mund të përshkojnë distanca të largëta, pa qenë të pajisura me bateri, pasi kjo kërkon një infrastrukturë mbështetëse shumë të përparuar dhe të përhapur gjerësisht./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm