Që vetura juaj të shitet më shpejtë dhe me vlerë më të madhe rol të madh luajnë fotot.

Në një botë ku të gjithë kanë një aparat fotografik dhe ku faqet e internetit lejojnë praktikisht ngarkimin e pakufizuar të fotove me rezolucion të lartë, është “mëkat” që të mos i kushtoni rëndësi fotove.

Së pari sigurohuni që vetura juaj të jetë e pastër. Ky mund të jetë hapi i parë, dhe ndoshta më i rëndësishmi. Kjo pasi një veturë e pastër për të cilën pronari i saj është kujdesur mirë, vlen më shumë, transmeton Telegrafi.

Pastaj sigurohuni që të keni një aparat të mirë fotografik. Me këtë nënkuptohet përdorimi edhe i kamerave moderne por edhe i telefonave të ri inteligjent.

Që e gjithë vëmendja të përqendrohet te artikulli juaj, atëherë duhet që për realizimin e fotove të zgjidhni një sfond të thjeshtë. Për shembull, mund ta zgjidhni një park të hapur, një parking, apo zonë industriale.

Gjithashtu, sigurohuni që ndriçimi gjatë kohës që i shkrepni fotot të jetë i qëndrueshëm.

Kjo do të thotë që veturën të mos e parkoni në gjysmë diell ose gjysmë hije.

Kur ju keni gjetur një sfond të thjeshtë me dritë të mjaftueshme sigurohuni që t’i bëni foto çdo pjese të veturës.

Madje, rekomandohet që foto t’i bëhen edhe rrotës rezervë, motorit, dhe dokumentacionit.

Kjo pasi do t’ia shtoni vlerën automjetit tuaj dhe besimin atij që e blen.

Si përfundim duhet t’i ngarkoni ato sipas renditjes.