Google ADS

Asus Zenfone 3 Deluxe, telefoni i parë me procesorin më të shpejtë në botë

10:00 | 13 Korrik 2016
Arbresh Info

Asus prezantoi telefonin e tij të ri Zenfone 3 Deluxe në Computex në fillim të këtij viti. Atëherë u zbulua se telefoni do të ketë ekran 5.7 inç 1080p, kamerë 23 megapiksel, bateri 3.000 mAh, port USB-C 3.0 dhe 6GB RAM. Po ashtu, u zbulua se telefoni vjen me procesor Snapdragon 820, por tani është kuptuar që ky telefon do të jetë i pari me Snapdragon 821.

Qualcomm ka prezantuar këtë çip së fundmi dhe Asus nuk ka pritur gjatë duke e shpërndarë menjëherë lajmin, shkruan portali arbresh.info.

Lexo më shumë: Snapdragon 821, procesori më i shpejtë deri tani

Procesori Snapdragon 821 vjen pas Snapdragon 820, i cili ishte i përfshirë në pajisjet më të mira të fundit me Android, si Galaxy S7, HTC 10 dhe Xiaomi Mi 5. Çipi i ri vjen me 10 për qind rritje të performancës dhe posedon procesor katër bërthamor me 2.4GHz.

Versioni me Snapdragon 821 i këtij telefoni nga Asus do të kushtojë 780 dollarë./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm