Apple feston 40-vjetorin e themelimit

09:11 | 1 Korrik 2016
M. A.

Dyzet vite më parë u shit kompjuteri i parë ”Apple”.

”Apple I” u prodhua fillimisht në 200 copë, ndërkohë që u shitën 175 të tillë. Ai kushtonte 666,66 dollarë, ndërkohë që sot koleksionistët paguajnë shifra marramendëse për të pasur një të tillë.

Më 1 prill 1976, këtë kompjuter e krijuan në një garazh në Los Altos, Kaliforni, inxhinierët elektronikë, Steve Jobs, Steve Wozniak dhe Ronald Wayne.

I konceptuar nga Steve Wozniak, ”Apple I” u prezantua po në prill 1976 në Homebrew Computer Club të Palo Altos dhe filloi shitjet në korrik të po atij viti.

Mother board-i i tij ishte i thjeshtë, përmbante vetëm 30 chip-e dhe programohej nëpërmjet një tastiere alfanumerike që tregonte rezultatet në një ekran video.

Në vitin 2010 një kopje perfekte e këtij kompjuteri u shit 157 245 euro. Në 2012 një kopje tjetër u shit 374 000 dollarë. Dy vite më pas u shit një tjetër me vlerë 905 000 dollarë.

Shpërndaje në rrjete sociale

Lajmet më të lexuara

Të ngjashme

Foto lajm