Gianni de Biasi ka publikuar listën e futbollistëve të ftuar për dy ndeshjet e ardhshme ndaj Luksemburgut dhe Izraelit.
Trajneri i kombëtares shqiptare, Gianni De Biasi, ndryshe nga herët e tjera, këtë herë nëpërmjet Twitter-it të tij dhe larg mediave shqiptare, ka publikuar listën e futbollistëve të ftuar për dy ndeshjet e ardhshme.
Ndeshja e parë do të zhvillohet me 4 qershor ndaj Luksemburgut (miqësore), ndërsa e dyta do të jetë me 11 qershor ndaj Izraelit në kuadër të kualifikimeve për Kupën e Botës.
E reja në këtë listë të teknikut italian është rikthimi në kombëtare, pas një periudhe relativisht të gjatë kohe, i Ergys Kaçes, ndërkohë që është lënë jashtë Taulant Xhaka për shkak të përplasjeve në ndeshjet e fundit me trajnerin italian.
Nuk do të jetë në radhët e kombëtares për këto dy ndeshje as Bekim Balaj, për arsye dëmtimi, ndërkohë që mungesë e rëndësishme është edhe ajo e portierit Etrit Berisha, i cili vuan dënimin e 3 ndeshjeve pezullim.
Nuk është grumbulluar në skuadër as kapiteni Ansi Agolli, edhe ky i skualifikuar për shkak kartonësh.
Lista e të ftuarve:
Portierë: Strakosha, Hoxha, Shehi
Mbrojtës: Hysaj, Aliji, Ajeti, Gjimshiti, Veseli
Mesfushor: Kaçe, Basha, Memushaj, Roshi, Lila, Lenjani, Kukeli, Abrashi
Sulmues: Llullaku, Cikalleshi, Sadiku, Latifi, Grezda, Hyka
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...
Një person në Shtime lëndohet me burgi derisa po punonte në ...