Bayern Munich edhe zyrtarisht është kundër krijimit të Superligës Evropiane.

Bayerni lëshoi një komunikatë para pak çasteve, ku foli Karl-Heinz Rummenigge.

Duke komentuar planet për të prezantuar një Superligë Evropiane, CEO i FC Bayern München Karl-Heinz Rummenigge tha: “FC Bayern nuk ka qenë i përfshirë në planet për krijimin e një Super League. Ne jemi të bindur se struktura aktuale në futboll garanton një themel të besueshëm. FC Bayern mirëpret reformat e Champions League sepse ne besojmë se ato janë hapi i duhur për të merreni për zhvillimin e futbollit evropian. Faza e modifikuar e grupeve do të kontribuojë në një rritje të eksitimit dhe përvojës emocionale në garë”.

Rummenigge tha gjithashtu se nuk beson që Superliga do t’i zgjidhë problemet financiare të klubeve të shkaktuara nga pandemia COVID-19.
“Unë nuk besoj se Super League do të zgjidhë problemet financiare të klubeve evropiane që kanë lindur si rezultat i pandemisë së koronavirusit. Përkundrazi, të gjitha klubet në Evropë duhet të punojnë në solidaritet për të siguruar që struktura e kostos, veçanërisht pagat e lojtarëve dhe agjentët janë sjellë në përputhje me të ardhurat, për ta bërë më racional të gjithë futbollin evropian” – theksoi ai. /Gazeta Express/