Trajneri Unai Emery ka konfirmuar se do të largohet nga pozita e tij në Paris Saint Germain me përfundimin e këtij sezoni.
46-vjeçari, i cili në të kaluarën ka menaxhuar skuadrat në La Liga si Almeria, Valencia dhe Sevilla, ka shpenzuar dy sezone te klubi parisien, transmeton portali arbresh.info.
Trajneri synonte t’i sigurojë PSG-së tripelën këtë sezon, por eliminimi i tyre në xhiron e 1/8-së në Ligë të Kampionëve nga Real Madridi vendosi fatin e ti.
“I kam treguar lojtarëve, (drejtorit sportiv) Antero Henriques dhe presidentit (Nasser Khelaifi) se gjithçka ka përfunduar”, u ka thënë gazetarëve Emery në një konferencë për shtyp këtë të premte.
“I falënderoj të gjithë. E gjitha që mbetet është finalja e Kupës së Francës”
Emery është përfolur për një rikthim në Real Sociedad, klub të cilin e ka mbështetur që kur ishte i ri pasi kishte shpenzuar edhe gjashtë vite si lojtar aty./arbresh.info/
LDK: Qëndrojmë të bashkuar me popullin turk
Trepça pëson humbje në grupet e FIBA Europe Cup
Haradinaj mesazh komunitetit shqiptar në Amerikë: Kosova ka ...
Abdixhiku nga Rahoveci: Momenti për ndryshim është afër
Në 13 vite emigruan 550 mijë të rinj italianë, gjysma e të c...
Fero tregon si e zgjodhi rastin me vajzën e tij