Zyrtare: Trajneri i ekipit të madh kosovar jep dorëheqje pas rezultateve jo të mira në ndeshjet e fundit

23:51 | 12 Mars 2023
E.H

Trajneri Arsim Gojani dhe shtabi teknik i Vëllaznimit kanë dhënë dorëheqje nga postet e tyre.

Lajmi është konfirmuar nga faqja zyrtare e klubit gjakovar në rrjetet sociale.

Arsyeja e dorëheqjeve vjen pas rezultateve jo të mira në ndeshjet e fundit.

“Pas rezultateve negative të katër xhirove të para, kryetrajneri Arsim Gojani dhe shtabi teknik kanë ofruar dorëheqje të parevokushme. Pas ndeshjes së sotme është mbajtur mbledhja e bordit drejtues të klubit, ku Bordi e ka miratuar dorëheqjen e Shtabit Teknik dhe falënderon kryetrajnerin Gojani dhe shtabin teknik për kontributin e dhënë dhe angazhimin tyre të palodhshëm gjatë këtyre tre muajve”, thuhet në njoftimin e klubit gjakovar.

Klubi me nam në futbollin e Kosovës po kalon nëpër një periudhë të vështirë.

Vëllaznimi bën gara në Grupin A të Ligës së Parë dhe rrezikon seriozisht të bie një rang më poshtë pasi ka tubuar vetëm dy pikë në 18 ndeshje të zhvilluar duke u pozicionuar në vendin e fundit./lajmi.net

Shpërndaje në rrjete sociale

Lajmet më të lexuara

Të ngjashme

Foto lajm