ZYRTARE: Thomas Tuchel trajneri i ri i Anglisë

11:18 | 16 Tetor 2024
D.H

Tashmë është bërë zyrtare, Thomas Tuchel ka marr drejtimin e kombëtares së Anglisë.

Lajmin e ka bërë të ditur vetë faqja zyrtare e “Tre Luanëve” në rrjetin social Facebook, shkruan Arbresh.info.

Tuchel rikthehet në ishull pas një aventure që pati tek Chelsea nga fillimi i vitit 2021 deri në shtator të 2022.

Për aq kohë sa ishte menaxher i Chelseas ai u shpall kampion në Champions League si dhe u zgjodh trajneri i vitit i UEFA-s dhe FIFA-s në vitin 2021 si mirënjohje për punën e tij në Angli.

Ai do të fillojë punën më 1 janar 2025 përpara procesit të kualifikimit për finalet e Kupës së Botës FIFA të vitit të ardhshëm, që do të zhvillohet në Kanada, Meksikë dhe SHBA.

Gjermani ka udhëhequr edhe klube tjera si Bayern Munich, Paris, Dortmund, Mainz./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm