Google ADS

Zyrtare: Shqiptari Luis Hasa kompleton transferimin te Napoli

08:25 | 9 Janar 2025
E.G

Napoli ka konfirmuar të mërkurën mbrëma kompletimin e marrëveshjes për transferimin e mesfushorit Luis Hasa nga Lecce.

Napoli njoftoi zyrtarisht nënshkrimin e reprezentuesit të Italisë U21, Luis Hasa, me një marrëveshje të përhershme nga Lecce me një kosto të raportuar prej 500 mijë eurosh.

Juventusi kishte një klauzolë shitjeje prej 30%, kështu që bardhezinjtë kanë marrë gjithashtu një tarifë prej 150,000 euro sipas raporteve të fundit.

Njoftimi mbi transferimin e mesfushorit me prejardhje shqiptare erdhi nga vet faqet zyrtare të Napolit.

“SSC Napoli është i kënaqur të njoftojë blerjen e Luis Hasës në një marrëveshje të përhershme nga U.S. Lecce”, thuhet në njoftim.

Ndryshe, Hasa u bë nënshkrimi i dytë i Napolit në këtë afat kalimtar, pas marrëveshjes që bëri që Simone Scuffet të mbërrinte si huazim të martën. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm