Google ADS

Zyrtare: Real Madridi me komunikatë rreth raporteve për transferimin e Neymarit

21:37 | 13 Korrik 2018
Arbresh Info

Real Madridi ka publikuar një komunikatë duke insistuar se ata “nuk kanë plane” për të nënshkruar me yllin e Paris Saint Germain, Neymar.

Kampioni evropian është përfolur shumë për transferimin e sulmuesit brazilian si një zëvendësues të Cristiano Ronaldos, i cili iu bashkua Juventusit për 112 milionë euro këtë javë, transmeton portali arbresh.info.

“Pas informatave të vazhdueshme që e lidhin lojtarin e PSG-së, Neymar, me klubin tonë, Real Madridi dëshiron të sqaroj se nuk kanë në plan për të shtruar ndonjë ofertë për lojtarin”, thuhet në komunikatën e tyre.

“Raportet mes dy klubeve janë të jashtëzakonshme, prandaj, nëse në një pikë Real Madridi do të konsideronte nënshkrimin me një lojtar të PSG-së, gjëja e parë që ne do të bënim është të kontaktojmë klubin e tij”

Kjo është komunikata e dytë nga Madridi që hedhë poshtë thashethemet në lidhje me interesimin në Neymarin./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm