Zyrtare: Përfundon sezoni për Valon Behramin

18:15 | 4 Prill 2019
Arbresh Info

Sezoni për Valon Behramin ka përfunduar për shkak se Udinese ka konfirmuar se mesfushori shqiptar ka thyer këmbën.

Behrami, i cili mbush 34 vjeç vonë gjatë këtij viti, ishte lënduar aksidentalisht nga njëri prej bashkëlojtarëve të tij gjatë barazimit 1 me 1 të Udineses kundër Milanit mbrëmjen e së martës, transmeton portali arbresh.info.

Lëndimi e la atë të tronditur për një moment dhe madje në disa sekuenca lojtari dukej sikur e kishte humbur plotësisht vetëdijen.

Skuadra italiane ka njoftuar në rrjete sociale se lojtari ka thyer ashtin fibula në këmbën e tij të djathtë duke i dhënë kështu fund sezonit të tij derisa kanë mbetur edhe dy muaj.

Ai përfundon këtë edicion me 19 paraqitje në Serie A dhe një gol./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm