Zyrtare: Granit Xhaka nuk është më kapiten te Arsenali

21:00 | 5 Nëntor 2019
Arbresh Info

Granit Xhaka nuk do të jetë më kapiten i Arsenalit.

Lajmi është konfirmuar nga trajneri Unai Emery në një konferencë për shtyp para ndeshjes në Evropa Ligë kundër Guimaraes mbrëmjen e së mërkurës, transmeton portali arbresh.info.

Reprezentuesi i Zvicrës nuk ishte i pranishëm në asnjë ndeshje të “Topçinjve” qysh pasi ofendoi tifozët e tyre gjatë zëvendësimit në ndeshjen kundër Crystal Palaces dhjetë ditë më parë.

Xhaka nuk është ftuar gjithashtu as për ndeshjen në udhëtim ndaj skuadrës portugeze.

Por, gjërat tani janë përkeqësuar edhe më shumë për kosovarin 27-vjeçar.

“Kam folur me Granitin dhe ai nuk është më njëri nga kapitenët tanë”, ka thënë Emery./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm