Google ADS

Zyrtare: Gianluigi Donnarumma nënshkruan kontratë të re

19:04 | 11 Korrik 2017
Arbresh Info

Gianluigi Donnarumma ka nënshkruar kontratë të re katër vjeçare me AC Milanin, ka njoftuar klubi në Serie A.

18-vjeçari debutoi në skuadrën e parë në tetor të vitit 2015 dhe që nga atëherë ka treguar se është njëri nga portierët më të mirë të ri në botën e futbollit, transmeton portali arbresh.info.

Performancat e tij të shkëlqyera kanë ngjallur interesim te gjigantët evropian si Manchester United dhe Real Madridi pasi më 15 qershor ishte njoftuar që Donnarumma nuk do të vazhdoj kontratën e tij te Milani.

Megjithatë, sot (e martë) është konfirmuar që ai ka nënshkruar marrëveshje të re që e mban atë në klub deri në verën e vitit 2021.

Vazhdimi i kontratës së Donnarummas vjen pas një vere të zënë për Milanin, i cili transferoi pesë lojtarë të rinj derisa edhe dy të tjerë janë afër transferimit në San Siro./arbresh.info

deeapthxcaaopbc

Shpërndaje në rrjete sociale

Lajmet më të lexuara

Të ngjashme

Foto lajm