FC Prishtina ka prezantuar transferimin më të fundit, bëhet fjalë për qendërmbrojtësin, Gentian Muça-n nga Tirana.

Muça ishte kapiteni i Tiranës edicionin e kaluar, me të cilët fitoi edhe titullin, shkruan portali arbresh.info.

Ndërsa, tani do mbrojë ngjyrat e FC Prishtinës, derisa lojtari ka bërë me dije që është i emocionuar për aventurën e radhës.

Njoftimi i plotë i FC Prishtinës pa ndërhyrje:

Kapiteni i Tiranës ndërron klubin – nuk ndërron ngjyrat

Qendërmbrojtësi Gentian Muça futbollisti i ri i Prishtinës

Prishtinë, 28 shtator 2020 – Prishtina ka arritur me marrëveshjen me ish-kapitenin e Tiranës, Gentian Muça. I lindur më 13.05.1987 në Tiranë, pothuajse tërë karrierën futbollistike e ka kaluar si futbollist i Tiranës dhe kur ka ndërruar klub ka qenë i huazuar, si në Bylys, Dinamo e Tiranë dhe Kukës. Ndërsa ka qëndruar edhe tek Vllaznia e Shkodrës dhe Flamurtari i Vlorës.

Muça, me shumë përvojë, me Tiranën në edicionin 2019/20, si kapiten i skuadrës, është shpall kampione pas dhjetë vitesh mungesë titulli.

“Janë lëvizje që e pasojnë njëra tjetrën. Gjithsesi, pa dashur të merrem me të kaluarën, dua të fokusohem për të ardhmen. Pra, tek Prishtina. Jam i lumtur që gjendem këtu, në këtë qytet, kryeqytet – ashtu sikurse edhe Tirana, dhe jam shumë i emocionuar për aventurën e re”.

https://www.facebook.com/FCPrishtina/photos/a.10151888968593538/10159326378278538/?type=3&theater

“Sigurisht që viteve të fundit futbolli në Kosovë ka qenë në fokusin jo vetëm të shtetit të Kosovës, por edhe në Shqipëri dhe jo vetëm për atë çfarë është zhvilluar në fushën e lojës, por edhe jashtë saj, nga ajo se çfarë ka bërë shteti që të zgjohet interesi, vëmendja jo vetëm e publikut, por i tërë ambienti sportiv duke përfshirë edhe lojtarë shqiptarë të cilët kanë ardhur dhe luajnë këtu. Falë të gjitha këtyre gjërave, mund të them që futbollin në Kosovë e njoh”.

“Sigurisht që e njoh Prishtinën dhe më ka ardhur shumë keq që dy herët e fundit e ka humbur kampionatin në ndeshjen e fundit. Gjithashtu Prishtinën e kam ndjekur edhe prej profesor Mirel Josës”.

“Kam shumë pritshmëri, e njoh organikën e skuadrës dhe dy blerjet e fundit nga Shqipëria, si Lilaj dhe Mici, të cilët i njoh më mirë. Sigurisht që jo vetëm tek pritja e pjesëmarrjes në garat e Evropës, por, pa dashur të flas sepse jam i ri, por po e besoj se janë të gjitha mundësitë për t’u shpall kampion duke e marr shkas edhe gabimet që kanë mundur të bëhen në ato vite që ekipi e ka humbur titullin në ndeshjet e fundit””, ka shkruar Prishtina në Facebook./arbresh.info.