Zyrtare: Di Francesco trajner i ri i Romës

20:26 | 13 Qershor 2017
Trina Galanxhi

Roma e ka konfirmuar angazhimin e Eusebio Di Francescos në postin e trajnerit. Ai ka nënshkruar kontratë dyvjeçare me Giallorossët.

Luciano Spalletti vendosi të largohej pas 18 muajsh në krye të skuadrës (në rikthimin e tij), për ta vazhduar karrierën te Interi.

Ndërsa është pritur që trajneri i deritanishëm i Sassuolos ta merrte drejtimin e klubit kryeqytetas., transmeton telegrafi

Si një ish lojtar i Romës, Di Francesco u përmend menjëherë si një favorit për postin e trajnerit. Dhe të martën pasdite është arritur marrëveshja për angazhimin e tij.

47-vjeçari ka nënshkruar kontratë dyvjeçare, e cila është valide deri në verën e vitit 2019.

“Jam shumë i lumtur që jam kthyer te Roma, ta drejtoj skuadrën që gjithmonë ka pasur rëndësi të madhe për mua”, është shprehur trajneri i ri.

Di Francesco ka luajtur për Giallorossët gjatë viteve 1997-2001 dhe ishte pjesë e ekipit që e fitoi Scudetton në sezonin 2000/2001.

Shpërndaje në rrjete sociale

Lajmet më të lexuara

Të ngjashme

Foto lajm