Manchester United ka konfirmuar se talenti, Tahith Chong ka nënshkruar kontratën e re me klubin.

Holandezi do qëndrojë në “Old Trafford” deri në vitin 2022 me mundësi vazhdimi edhe për një vit, transmeton portali arbresh.info.

Chong ka deklaruar se është i lumtur me kontratën e re dhe shumë mirënjohës për shansin që i është dhënë për të treguar kualitetin.

“Kur iu bashkova United ishte ëndërr e bërë realitet. Ishte nder sa herë që e vendosja fanellën. Jam duke punuar shumë çdo ditë që të përmirësohem dhe e di se do zhvillohem edhe më shumë”.

“Mundësia që të mësoj nga trajneri, stafi dhe yjet botërore është fantastike. Jam i gëzuar që kam nënshkruar kontratën e re dhe mirënjohës për mundësinë që ta provojë vetën edhe për disa vite”, theksoi Chong.

✍️ @TahithC is here to stay!#MUFC

— Manchester United (@ManUtd) March 9, 2020

Në garë për Chong ishte Inter, me të cilët thuhej se kishte arritur marrëveshje që në verë të transferohet si lojtar i lirë, por sulmuesi ka ndryshuar mendimin.

Chong në ekipin e parë ka bërë 14 paraqitje këtë sezon./arbresh.info.