Zyrtare: Adenis Shala kalon te Feronikeli

22:15 | 29 Janar 2019
Arbresh Info

I riu Adenis Shala është përforcimi më i ri i Feronikelit, që po vazhdon t’i forcojë radhët e veta.

Shala që më parë ka luajtur për Vëllaznimin dhe Flamurtarin, është kthyer në Kosovë pas një eksperience të shkurtër në Turqi.

“Talenti Shala është 20 vjeçar dhe deri tani ka luajtur për ekipin e Fenerbahçes U21 nga Turqia”.

“Ai luan si sulmues krahu dhe për momentin është në superformë dhe do ta shfrytëzojë tërë potencialin e tij për të arritur synimet me skuadrën tonë”, thuhet në njoftimin e klubit.

Feronikeli është aktualisht në Turqi dhe lojtari do të bashkohet me gjasë me klubin në ditët në vijim.

Feronikeli do të luftojë për titull dhe Kupë pasi është në garë në të dyja frontet.

Shpërndaje në rrjete sociale

Lajmet më të lexuara

Të ngjashme

Foto lajm