Trajneri i Real Madridit, Zinedine Zidane e ka vlerësuar Mohamed Salahn si “një lojtar të mrekullueshëm” pas sugjerimeve që kampioni i Spanjës dhe Evropës është i interesuar për të nënshkruar me sulmuesin e Liverpoolit.
Salah ka shënuar 19 gola dhe ka krijuar gjashtë asistime brenda 25 paraqitjeve në të gjitha kompeticionet për skuadrën angleze këtë sezon, transmeton portali arbresh.info.
25-vjeçari, i cili i siguroi kualifikimin Egjiptit për herë të parë në Kampionatin Botëror në fillim të këtij edicioni që nga viti 1990, është kërkuar së fundmi nga Real Madridi. Përveç kësaj, trajneri i Egjiptit, Hector Cuper ka pretenduar se ‘Los Blancos’ janë të interesuar për të nënshkruar me Salahn.
Zidane refuzoi të konfirmoj ose mohoj se skuadra e tij është duke kërkuar sulmuesin, por francezi lavdëroi lojtarin që nënshkroi kontratë pesë vjeçare me Liverpoolin pas transferimit të tij gjatë vers nga AS Roma.
“Ai është një lojtar i mrekullueshëm. Së pari te Roma dhe tani edhe në Liverpool. Ai është një futbollist i rëndësishëm dhe është duke u zhvilluar edhe më shumë e më shumë, ai është i ri dhe e vlerësoj shumë atë”, u ka thënë Zidane gazetarëve.
Real Madridi synon të fitoj të shtunën finalen e Kupës së Botës për Klube në përballjen ndaj skuadrës braziliane Gremio./arbresh.info/
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...